Zyrtarë të lartë socialistë theksojnë se përgatitja e listës së kandidatëve për deputetë duhet të jetë më transparente. Anëtari i kryesisë, deputeti Arben Malaj, në një shënim në rrjetin social FACEBOOK, thotë se Listat nuk mund dhe nuk duhet të jenë pronë e asnjë individi apo strukture të ngushtë. Malaj shton se kandidatët për deputetë, duhet të jenë përzgjedhje, e cila motivon dhe inspiron angazhimin politik dhe public dhe se çdo skemë tjetër ushqen nepotizmin, parazitizmin dhe korrupsionin me mandatet partiake dhe publike”. Ndërsa për ish-Presidentin Rexhep Mejdani, hartimi i listës së kandidatëve për deputetë në PS duhet të kalojë përmes një votimi të fshehtë në parti, si një instrument demokratik.